தேசிய வாக்காளர் விழிப்புணர்வு போட்டிகளில் விண்ணப்பிக்க, இம்மாதம் 31ம் தேதி வரை அவகாசம் நீட்டிக்கப்பட்டுள்ளது.
இதுகுறித்து சென்னை மாநகராட்சி வெளியிட்டு உள்ள செய்தி குறிப்பு:இந்திய தேர்தல் ஆணையத்தின் சார்பில், 'எனது ஓட்டு, எனது எதிர்காலம் - ஒரு வாக்கின் வலிமை' என்ற கருப்பொருளை மையப்படுத்தி, தேசிய வாக்காளர் விழிப்புணர்வு போட்டிகள் நடத்தப்படுகின்றன.
இதில், குறும்படம் உருவாக்கம், பாட்டு போட்டி, சுவரொட்டி உருவாக்கம், வாசகங்கள் உருவாக்கம், வினாடி - வினா உள்ளிட்ட போட்டிகளில் பங்கேற்கலாம்.இப்போட்டிகளில், பள்ளி, கல்லுாரி மாணவர்கள், அரசு அலுவலர்கள், பொதுமக்கள் என அனைவரும் பங்கேற்கலாம். இப்போட்டிகளில் பங்கேற்க விரும்புவோர், https://voterawarenesscontest.in/ என்ற இணையதளத்தில், மார்ச் 15ம் தேதிக்குள் பதிவு செய்ய வேண்டும் என கூறப்பட்டிருந்தது. தற்போது மார்ச் 31 வரை கால அவகாசம் நீட்டிக்கப்பட்டுள்ளது. இப்போட்டிகள் தொடர்பான மேலும் தகவல்களுக்கு https://ecisveep.nic.in/contest/ என்ற இணையதளத்தில் தெரிந்து கொள்ளலாம்.இவ்வாறு அதில் கூறப்பட்டுள்ளது.
